smart phone problems and its solutions in urdu pcseekhen

Smart phone problems and its solutions in urdu

smart-phone-problems-and-its-solutions-in-urdu-pcseekhen

Smart phone problems and its solutions in urdu

 Aaj kal smart phone hamaari zindagi ka laazmi hisa banchukay hain, calls, massage ka istamaal karnay kay saath saath ham mobile phones ko social media applications kay saath banking applications ka bhi istamaal kartay hain, mobile phones puraana honay kay saath saath us main kaafi problems bhi hojaati hain.

Ye Bhi Parhen:

Apna WhatsApp Account Delete Karen Sirf Ak minute main: 


Agar smart phones main koi problem problem hojaaey to hamen kaafi mushkilaat ka saamna karnay parta hay, mobile phone main problem maamooli hoti hay lekin hamen uska solution pata na honay ki waja say apnay mobile phone ko repair shop par lejaana parta hay
aur ak aasaan say problem kay bhi hamen kaafi paisay kharch karnay partay hain aur hamaara qeemati waqt bhi zaaya hota hay.

Is article men, main aap ko mobile phones ki kuch aisi hi problems kay baaray main bataaoonga jo aap ko aksar pesh aati hain aur saathi un problems ka solution bhi bataaonga.

Mobile Ka HANG Hona:

Mobile hanging problem ka saamna taqreeban har smart phone users ko kabhi na kabhi laazmi hota hay, Chaahay aap kay phone main ziyaada RAM, achha PROCESSOR aur ziyaada internal storage hi kiyoon na ho,

Is problem ko solve karnay kay liey aap apnay smart phone ki SETTINGS main jaakay apnay mobile ki CACHE aur COOKIES ko clear karden, is kay baad aap un applications uninstall karden jin ko kam istamaal kartay hain ya bilkul bhi istamaal naheen kartay

Is kay elaawa aap apnay smart phone main kabhi bhi MULTITASKING kabhi bhi na karen, multitasking ka matlab ye hay kay aap kabhi bhi ak say ziyaada applications ko at a time open na karen kiyoon kay aisa karnay se bhi mobile phone hang honay lagta hay

Is kay elaawa apnay smart phone kay background main chalnay waali tamaam applications ko close karden kiyoon kay smart phone kay background main chalnay waali applications boht ziyad ram ka istamaal kar rahi hoti hain is say bhi phone hang honay lagta hay.

Agar aap kay smart phone main ghair zaroori data jaisay kay videos, audios aur pictures waghera mojood hain to unko bhi delete karden, ye tareeqay follow karnay say aap ka smart phone kabhi bhi hang naheen hoga chahay wo ak ya do saal puraana hi kiyoon na ho.

Automatic Switch Off Problem:

 Smart phone automatic switch off problem ak aam baat hay, jab bhi aap apnay smart phone ko on kartay hain aur us par games khelna, videos dekhna ya koi bhi application chalaana start kartay hain to hamaara smart phone automatic switch off hojaata hay, Kabhi kabhi to ham to just apna smart phone ON kartay hain to phone ON hotay hi OFF hojaata hay.

Is problem ko solve karnay ka pehla tareeqa ye hay kay aap apnay mobile phone ko reset karen aap kay phone ka automatic switch off problem solve hojaaeyga, agar phir bhi aap kay smart phone ka problem solve na ho to ak aur tareeqa ye hay apnay smart phone ko Hard Reset karen,

Hard Reset karnay kay liey aap apnay smart phone kay POWER BUTTON aur dono VOLUME KEYS ko ak saath press karen aap ka smart phone Hard Reset hojaaey ga, us kay baad aap apnay phone ko ak baar switch off karen, aur dobaara switch ON karen aap ka problem solve hochuka hoga.

Agar phir bhi problem barqaraar rahey to apnay smart phone ka sofware update karwaalen problem solve hojaaeyga.

Google Play Store Say Applications Download Na Hona: 

 Kiya aap kay smart phone main applications download naheen hoteen? is problem ka saamna aap ko kabhi na kabhi zaroor hua hoga, jab aap koi important application download karna chaahtay hoon aur wo download na ho to kaafi pareshani ka saamna karna parta hay.

Yahaan ham aap ko do tareeqay bata rahe hain jinko follow kar kay aap is problem ko aasaani say solve kar saktay hain

pehla tareeqa ye hay kay aap google play store main say CACHE files ko clear karen, is kay liey aap SETTINGS main jaakar APPS par click kar kay OPEN PLAY STORE par click karen, ab aap CLEAN CACHE par click karden aap ki CACHE files clean hojaaengi.

Doosra tareeqa ye hay kay aap google play store ki HISTORY ko clean karen, uskay liey aap GOOGLE PLAY STORE open karen, uskay baad SETTING par click kar kay HISTORY par click karden, ab apnay smart phone ko OFF kar kay dobaara ON karen, koi bhi application download karene ki koshish karen aap ki application download hojaaey gi.



BLUETOOTH AUR WIFI CONNECT NA HONA:

Kabhi na kabhi aap ko bluetooth aur widi connect karnay main mushkilaat ka saamna zaroor karna para hoga, ham aap ko jo tareeqa bata rahay hain us ka use kar kay aap is problem ko solve kar saktay hain.

Sab say pehlay aap apnay phone main airplane mode ko ON karen aur is kay baad wifi ya bluetooth ko ON kar kay dobaara OFF karden, is kay baad aap apnay phone ko RESTART kar kay bluetooth ya wifi ko connect karen, aapka wifi ya bluetooth connect ho jaaeyga.


BATTERY KA BOHT ZIYADA KHARCH HONA:

Aap ko aksar is problem ka saamna karna para hoga kay aapnay phone ko charge karanay kay baad thori der tak istamaal karnay say hi aap kay phone ki battery down hona start hojaati hay

Is ki kai wajoohaat hosakti hain lekin jis cheez ka ham zikar kar rahay hain is main ak to smart phone ki battery low honay ki waja smart phone ki brightness level ka ziyada hona aur doosri waja bluetooth, wifi, aur internet ka har waqt connect hona hay.

Aap ko just karna ye hay kay pehlay to apnay smart phone ki brightness kam karen, aur doosri baat ye kay aap apnay smart phone main bluetooth, wifi aur internet istamaal karnay kay baad fori tor par DISCONNECT karden.

Is kay elaawa ak aur cheez ka dhiyaan bhi rakhen kay aap jin applications ko istamaal naheen kartay unko UNINSTALL karden, is say aap kay smart phone k battery timing behtar hogi aur aap ko apnay smart phone ko baar baar charge naheen karna parega. 

SMART PHONE KA BOHT ZIYAADA GARAM HONA:

Aap kay smart phone kay OVERHEAT (GARAM) honay ki ak waja to aap kay smart phone ki battery bhi hosakti hay, is kay elaawa smart phone kay over heat honay ki aam waja to ye bhi hay kay apnay smart phone ko ziyaada der tak garam enviroment main istamaal kartay hain.

Smart phone kay over heat honay ki ye waja bhi hosakti hay aap apnay smart phone ko original charger kay baajaaey local charger say charge kar rahay hotay hain, agar aa[ apnay smart phone ko original charger say charge karnay bajaaey local charger say charge kartay hain to aap kay smart phone over heat honay kay saath battery damage ka bhi saamna karna par sakta hay.

Apany smart phone ko over heating problem say bachaanay kay liey aap ko karna sirf ye hay kay aap apnay smart phone ko kabhi bhi tez dhoop main istamaal na karen aur apnay smart phone ko hamesha original charger say hi charge karen.

Agar aap ziyaada der say apnay smart phone ko istamaal kar rahay hain to kuch der tak phone ko rest den taakay wo normal position waapis aajaaey, ye tareeqay istamaal karnay say aap ka phone kabhi bhi over heat naheen hoga. 

 NOT ENOUGH SPACE PROBLEM:

Jab bhi aap google play store say koi bhi application download karnay ki koshish kartay hain to aap ko NOT ENOUGH SPACE ka error show hota hoga yaani kay aap kay mobile main ye application download karnay kay liey koi space mojood naheen hay.

Is kay saath aap ko kuch application uninstall karnay ka bhi option diya jaata hay par  agar aap chaahtay hain kay koi application uninstall kiey baghair new application download kar kay install karlen to aap ko kuch steps ko follow karna hoga.

Sab say pehlay aap apnay phone ki SETTING main jaaen us kay baad aap APPLICATION par click kar kay APPLICATION MANAGER par click karen ab aap kay saamnay tamaam applications show horahi hongi in main say aap us application ko select karen jo boht ziyaada MB ki ho, for example aap WhatsApp ko select kar kay STORAGE par click karden
ab aap CLEAR DATA par click kar kay DELETE par click karden, us application ka data mukammal tor par clear hojaaega wo bhi application uninstall kiey baghair.

Ab aap koi bhi application download karengay to wo download bhi hojaaey gi aur install bhi.


YE BHI PARHEN:

APNAY ANDROID PHONE KO KIS TARAH FAST KAREN:


smart phone problems and its solutions in urdu pcseekhen smart phone problems and its solutions in urdu pcseekhen Reviewed by PC Seekhen on 03:24 Rating: 5

No comments:

Powered by Blogger.