social media registration in pakistan in urdu pcseekhen

social media registration in pakistan in urdu pcseekhen

social media registration in pakistan in urdu pcseekhen

 Hukumat pakistan ki jaanib say social media kay mutaliq new qawaaneen banaaey gaey hain jin main kaha gaya hay kay tamaam social media networks pakistan main apnay mustaqil offices qaaim karnay kay saath saath apnay data base server bhi banaaen.

YE BHI PARHEN:

Smart Phone Ki bettary life ko behtar banaanay kay 10 tareeqay: 


In social media networks main Youtube, Facebook, Twitter, dailymotion, Googleplus, Linkedin, Instagram, Snapchat, tiktok, Pinterest aur raddit kay elaawa aur bhi kai social media networks Shaamil hain.

In tamaam social media companiyoon ko kaha gaya hay kay teen maheenoon kay andar andar pakistan main apni registrations ko yaqeeni banaaen, in tamaam companiyoon kay liey 3 maheenoon main apna mustaqil office pakistan main open karna bhi laazmi hog.

Is kay elaawa in social media companies kay liey ye bhi laazmi qaraar diya gaya hay kay wo in offices main apna ak mustaqil numaainda bhi rakhen, is kay elaawa social media companiyoon kay liey ye bhi laazmi hoga kay wo ak saal kay andar andar apnay data servers bhi banaaen.

Hukumat ki jaanib say in social media companiyoon ko regulate karnay kay liey NATIONAL COORDINATION AUTHORITY bhi banaai jaaegi, kisi bhi qaabil-e-aitiraaz mawaad ki shikaayat par agar social media companies us mawaad ko apnay server se delete na karen to national coordination authority social media companiyoon kay khilaaf action legi.

In qawaaneen kay mutabiq social media companies qaabil-e-aitiraaz mawaad ko 24 ghantoon main apnay server say delete karnay ki paaban hongi, hangaami sooratay haal main social media companies ko ye mawaad 6 ghantoon main apnay server say hataana laazmi hoga.

Social media companiyoon ko ye bhi kaha gaya hay kay koi aisa nizaam banaaen jiskay zariey kisi bhi live stream kay doraan koi aisa mawaad nashar na kiya jaasakay jo pakistani qawaaneen ki khilaaf warzi kay zimray main aata ho.

Is kay elaawa in qawaaneen main ye baat bhi shamil hay kay chaahay koi bhi pakistani, chaahay wo beronay mulk maqeem kiyoon na ho, agar uskay social media account main koi aisa mawaad mojood ho jo pakistani qawaaneen ki khilaaf warzi kay zimray main aata ho ya fake news phelaata ho ya us main kisi ki hatak ezat ki gai ho, ya pakistan ki mazhabi, saqaafati, nasli aur qomi salaamati kay khilaaf ho, aisa tamaam online mawaad delete, ya us account ko social media companies block karnay ki paaband hongi.

Is kay elaawa social media companies is baat ki bhi paaband hongi kay Pakistan Electronic Crime Act ( PECA- 2016 ) kay tahat kisi bhi tafteeshi authority ko social media companies tamaam maaloomaat faraaham karengi.

Agar koi bhi social media company in qawaaneen ki paasdaari naheen karti to aisi social media company ko pakistan main mukamal tor par block kardia jaaega.

Ye Bhi Parhen:

USB Ya Memory Card Asli Hay Ya Jaali Pata Lagaaen Sirf Ak Minute Main: 

social media registration in pakistan in urdu pcseekhen social media registration in pakistan in urdu pcseekhen Reviewed by PC Seekhen on 05:01 Rating: 5

2 comments:

Powered by Blogger.