smart phone of pakistan in only rs 1799 rupees in urdu

smart phone of pakistan in only rs 1799 rupees in urdu

smart-phone-of-pakistan-in-only-rs-1799-rupees-in-urdu-


smart phone of pakistan in only rs 1799 rupees in urdu

Is dor main jahaan dunya digital horahi hay balkay global village main tabdeel horahi hay smart phone zindagi ka laazmi hisa banta jaaraha hay
hamaara taaluq chaahay zindagi kay kisi bhi shobay say ho har kisi kay paas kam say kam ak adad smart phone laazmi mojood hota hay.


YE BHI PARHEN:

Apnay Slow Android Phone Ko Tez Kaisay Karen?

Lekin pakistan main abhi bhi aisay log mojood hain jo smart phone ki ziyaada qeematoon kay baais smart phone aur internet ki puhunch say door hain kiyoon kay aaj kal 4g supported smart phone ki kam say kam qeemat 13, 14 hazaar say kam naheen hoti is waja say smart phone ab bhi ghareeb tabkay ki puhunch say door hay.

Aisay main mash'hoor zamaana telecom company MOBILINK JAZZ ney dunya ka sab say sasta smart phone launch kiya hay, ye smart phone aisay logon kay liey launch kiya gaya hay jo mahingay smart phones afford naheen kar saktay,  ye smart phone jazz aur digit company ki collaboration say launch kiya gaya hay,
is smart phone ko pakistan ka smart phone bhi kaha jaaraha hay.

Yahaan par ye baat bhi qaabil-e-zikar hay kay ye smart phone aam smart phones ki tarah touch screen to naheen hay, ye smart phone keypad smart phone hay wo bhi 4g support kay saath, par is phone kay features ki agar baat karen to ye touch screen smart phones say kisi tarah bhi kam naheen hay, is smart phone ki picture aap neechay screen shot main dekh saktay hain.

smart-phone-of-pakistan-in-only-rs-1799-rupees-in-urdu-

jazz digit 4g screen shot of front side

jazz digit 4g smart phone main aap aam smart phones ki tarah kisi bhi tarah ki application ko aasaani say chalaa'saktay hain jaisay kay facebook, twitter, whatsapp aur youtube waghera.
is phone main google map bhi baa'aasaani istamaal kiya jaasakta hay
is smart phone main kuch applications pehle hi mojood hoti hain jaisay kay whatsapp, facebook, youtube kay elaawa degar social applications bhi mojood hain.

 Is kay elaawa agar aap koi aur application istamaal karna chaahen to unko aap is phone main mojood KaiOS store say download kar kay easily install kar saktay hain.

smart-phone-of-pakistan-in-only-rs-1799-rupees-in-urdu-
screen shot

 Is smart phone main aap mash'hoor zamaana application tik tok ko bhi KaiOS store se download kar kay install kar saktay hain.
is phone kay sim slot ki agar baat ki jaaey to is phone main dual sim slot mojood hay, ak slot main aap sirf jazz ki sim hi istamaal kar saktay hain aur doosray sim slot main aap kisi bhi network ki sim istamaal kar saktay hain.

 Is smart phone ki storage ki ager baat ki jaaey to is main aap ko 4GB ROM, aur 512MB ki RAM bhi mojood hay, agar aap ko jazz digit 4g ki storage kam lag rahi hay to aap alag say is main SD Card bhi insert kar saktay hain jis say is phone ki storage main kaafi had tak izaafa hojaaeyga.


smart-phone-of-pakistan-in-only-rs-1799-rupees-in-urdu-
          screen shot  

Is phone ki battery ki agar baat karen to is smart phone kay saath aap ko jo battery milegi us ki capacity 1400MAH hay, touch smart phones kay muqaabilay main is ka battery backup boht zabardast hay, wo is liey bhi kay is smart phone ki screen chhoti 2.4inch honay ki waja say ye smart phone boht hi kam battery kharch karta ha, kiyoon kay kiyoon kay jitni ziyaada bari screen hoti hay phone utni hi ziyaada battery kharch karta hay.
jazz digit 4g charge honay main bhi ziyaada waqt naheen leta jo is phone ki sab say khaas baat hay.

Is phone ki ak aur khaas baat wo ye hay kay is phone main aap live tv bhi chala saktay hain, live tv application main aap ko kaafi saaray channels milengay jin main sports, cartoon aur news channels shamil hain.

Jazz digit 4g main screen shot lenay ki sahoolat bhi mojood hay, ye feature is smart phone ko aur bhi purkashish banaata hay, is phone main screen lenay ka tareeqa boht hi aasaan aur saada hay,
 bas aap ko sirf itna karna hay kay aap phone main mojood * aur # button ko ak saath press karen, jaisay hi aap * aur # ko ak saath press karengay aap kay phone ki screen kay top par ak notification aajaaey ga kay aap ka screen shot gallery main save ho chuka hay, aap apnay phone ki gallery main jaakay usay check kar saktay hain aur chaahen to usay edit aur kisi kay kay saath bhi whatsapp par share karsaktay hain.

smart-phone-of-pakistan-in-only-rs-1799-rupees-in-urdu-
screen shot of back side


Is intahaai sastay tareen phone main aapko Bluetooth, Wifi aur Hotspot ki sahulat bhi milrahi hay jo is phone ko aur bhi zabardast banaati hay. is kay speakers ki sound quality bhi zabardast hay, is ki back side par camera mojood hay is kay saath is phone mian flash light ka feature bhi mojood hay.

Jazz digit 4g ki qeemat 1799 rupay muqarrar ki gai hay par is kay saath ak saal tak aap ko har maheenay kay hisaab say 300 rupay ka package laazmi tor par lena hoga, is package main aapko 1000 jazz minutes, 1000mb data aur muft sms bhi milengay is kay elaawa pehlay 3 maheenoo tak whatsapp aur facebook bilkul muft milegi.
 
is phone ko haasil karnay kay liey qareebi mobilink service center visit karen ya is phone kay baaray main mukamal detail jaan'nay kay liey jazz users 111 par aur doosray network users 051-111 300 300 par call kar kay is phone kay mutaliq mukamal detail maaloom kar saktay hain.

 Future main is tarah kay sastay phones launch honay say digital pakistan kay khuwaab ko haqeeqat ban'nay say koi naheen roksakta.

YEH BHI PARHEN:

Apnay Mobile Phone Ki Battery Ko Ziyaada Der Tak Kaisay Chalaaen? 

 

Mazeed Detail jaan'nay kay liey please ye video watch karen

 

smart phone of pakistan in only rs 1799 rupees in urdu smart phone of pakistan in only rs 1799 rupees in urdu Reviewed by PC Seekhen on 00:05 Rating: 5

4 comments:

Powered by Blogger.