what is internet banking and how to protect your online bank accounts in urdu

Internet Banking Kiya Hay, Us Kay Kiya Faaiday Hain, Aur Internet Bank Accounts Ko Kaisay Mahfooz Karen?

 

what is internet banking and How to protect your online bank accounts in urdu

what is internet banking and how to protect your online bank accounts in urdu

Internet Banking Kiya Hay? Is Kay Kiya Faaiday Hain Aur Apnay Online Bank Accounts Ko Kaisay Mahfooz Banaaen?

Aaj kay dor main smart phone ki tez raftaar taraqqi ki waja say duniya bhar main ak doosray say contact karna entahaai easy aur kam kharch bangaya hay, Chaahay wo call ki soorat main ho sms ki soorat main ho ya email ki soorat main, Kisi se bhi raabta karnay main chand seconds hi lagtay hain, Is kay elaawa social media ki waja say to duniya ak jaga par simat kar rehgai hay.

YEH BHI PARHEN:

 Mobile Garam Honay Ki Problem Kaisay Door Karen?

Smart phone ki itni ziyada tarqqi kay baais jahaan boht say kaarobaar ko farogh mila hay wahaan banking sector bhi kisi say peechhay naheen jaisay jaisay smart phone ne taraqqi ki hay waisay waisay banking sector kay liey bhi kaafi aasaaniyaan paida hui hain jin main internet banking qaabil-e-zikar hay.

Internet banking kay barhtay huey rujhaan ko dekhtay huey hum nay socha kay aap is hawaalay say kuch masaail kay kay baaray main aagaah kiya jaaey taake kay aap un masaail say bachtay huey mahfooz tareeqay say internet banking kar saken.

Is article main hum aap ko bataaengay kay Internet Banking kiya hay ? is kay faaiday kiya hain? aur sab say important kay hum internet bank accounts ko mahfooz kaisay banaaen?

Internet Banking Kiya Hay Aur us kay faaiday kiya hain?

Internet banking aisa banking system hay jis kay zariey bank account holder apnay smart phone, computer aur tablets ki madad say ghar bethe apnay bank accounts tak rasaai hasil kar saktay hain
computer users ko online ya internet banking kay liey un banks ki official websites visit karni parti hay jin banks main unka account mojood ho,
Is kay elaawa smart phone aur tablet users ko banks ki official Application download kar kay us par apnay bank account ko use karna parta hay.

Internet Banking Kay faaiday:

Online banking yaa internet banking ki waja say kisi say bhi len den karna itna aasaan aur kam kharch pehlay kabhi na tha jitna aaj kay dor main hay, aap apni bank branch jaaey baghair kisi say bhi len den kar saktay hain, kisi kay bhi bank account ya mobile account main aasaani say paisay transfer kar saktay hain,
Electricity , gas, paani, telephone, internet aur mobile postpaid bills baa aasaani pay karsaktay hain.

Apni bank branch jaaey baghair apna account balance check kar saktay hain, is kay elaawa apnay bank account ki statement bhi apnay online bank account ki madad say check kar saktay hain, apnay mobile par easyload kar saktay hain,
ye tamaam facilities aap ko haftay 7 din aur 24 ghantay available hoti hai chaahay chhuti ka din ho, bank ka time khatam hogaya ho ya bill jama karaanay ki last date ho aur aap bhool gay hoon aur aap ko banking time kay baad yaad aaey to aisay main apnay online bank account say bill jama karana behtreen option hay.

Internet banking ya online banking ka jo sab say bara faida hay wo ye hay kay aap kay qeemati waqt ki bachat hoti hay, bank branch jaa kar ye tamaam cheezen sar'anjaam dene main kaafi waqt lag jaata hay is say nijaat mil jaati hay is kay elaawa internet banking ka ak aur faaida hay wo ye kay aap ghar baithay online shopping kar saktay hain, apni pasand ki koi bhi cheez aasaani say khareed saktay hain chaahay wo kapray hoon, jootay hoon, mobiles aur computers hoon xyz koi bhi cheez ho us ko khareednay kay liey aap ko bazaar jaanay ki zaroorat naheen parti.

 Internet banking ya online banking kay jahaan beshumaar faaiday hain wahaan kuch risk factor bhi mojood hay jo is article main bataana entahaai zaroori hay
agar internet banking ka istamaal laaparwaahi se kiya jaaey to aap apnay bank main mojood apni mehnat ki kamaai say haath dho baithengay
internet par dhokay baaz bhi mojood hotay hain jo aap ko bewaqoof bana kar aap kay keemati sarmaaey se mahroom kar saktay hain
Agar aap internet banking ka istamaal hoshyaari kay saath karen to online fraud say kaafi had tak bacha jaasakta hay.


Yahaan par  hum aap ko kuch tips derahay hain jin ko istamaal kar kay aap online fraud say kaafi had tak mahfooz reh saktay hain.


Apnay Internet Bank Accounts Ko Mahfooz Kaisay Banaaen?

Yahaan par kuch tips diey jaarahay hain jin ko use kar kay aap apnay online bank accounts ko mahfooz banasaktay hain


1. Official Banking Application Use Karen: 

Sab say pehli baat jis kaa aap nay dhiyaan rakhna hay wo ye hay kay aap nay jis bank ki application download karni hay wo mutalqa bank ki website say ya google play store aur apple ka phone use karnay waalay app store say hi download karen, aur  google play store aur app store say application download kartay huey us kay reviews aur download zaroor check karlen kaheen aisa na ho kay aap koi fake application download karlen aur aap kay saath fraud hojaaey, koshish karen aap ka bank account jis bank main hay us ki official website par jaakar application download karen.


2. Mazboot Tareen Password Rakhen:

Doosray number par jo sab say aham cheez hay wo ak mazboot tareen password, online dhokay baaz kisi bhi easy password ka aasaani say pata laga lete hain, aap kay online bank accounts ka password kam say kam 16 characters ka hona chaahiey jis main small letters, capital letters, numbers aur symbols honay chaahien tab hi wo ak strong password tassavur kiya jaaey ga.
agar aap banking application kay saath saath social media applications ko bhi use kartay hain to har social media app ka alag password hona chaahiey, aur agar aap ak ya ak say ziyada banking applications ko istamaal kartay hain to har banking application ka password alag hona chaahiey.

Is kay elaawa passwords kay hawaalay se jo baat sab say important hay wo ye hay kay apnay banking applications kay password har 3 maheenay baad change kartay rahen kiyoon kay jitna puraana password hoga us kay chooray honay chances utnay hi ziyaada hongay.
is kay baad ak baat jo aap ko zehin nasheen karni hay wo ye kay aap ko apni banking applications ko kisi cyber cafe ya kisi aur kay mobile phone ya computer main kabhi bhi login naheen karna hay chaahay aap ko kitni bhi urgent zaroorat hi kiyoon na pesh aaey, aap sirf apnay phone main hi banking applications ko use karen saath saath social media application ko bhi sirf aap kay zaati phone main hi use karen.

Is kay saath is baat ka bhi dhiyaan rakhen kay apnay banking passwords, atm pins aur aap kay mobile par mosool honay waala ONE TIME PASSWORD (OTP) kabhi bhi kisi kay saath bhi share na karen chaahay wo aap ka dost ya rishtaydaar hi kiyoon na ho kiyoon kay aap kay aap ki zaati detail say kisi aur ka kiya lena dena.


3. Two Factor Authentication Use Karen:

Two factor authentication ak extra layer protection hay jo aap kay banking application aur social media accounts kay liey boht zaroori hay, is apply karnay se aap ki user ID aur password kay elaawa ak aur code maanga jaaeyga jo aap kay mobile par receive hoga, is code ki khaas baat ye hay kay ye sirf aap kay phone login kartay waqt mosool hoga, har baar login karnay par mukhtalif code mosool hoga.

agar farz karen agar aap ka password chori bhi hojaaey to bhi koi aap kay mobile par mosool honay waalay code kay baghair us ko access naheen karsakta. aap is code ko banking applications kay elaawa apany social media accounts jaisya facebook, twitter instagram, whatsapp kay elaawa emails jaisay kay gamil, yahoo aur hotmail waghera par aasaani say apnay mutaliqa application ki setting ya security setting main jaa  kar set kar saktay hain is baat ka dhiyaan rahay kay kuch application main is option ka naam two factor authentication hota hay aur kuch applications main ye aap ko TWO STEP VERIFICATION kay naam se mojood hosakta hay lihaaza pareshaan honay ki zaroorat naheen.
Aap kay mobile par mosool honay waalay code ko OTP yaani ONE TIME PASSWORD bhi kaha jaata hay.


4. Antivirus Software Use Karen: 

Agar aap apnay destop ya laptop computer par internet banking kartay hain to aap ak antivirus software zaroor istamaal karen chaahay wo free version ho ya paid version, agar aap ativirus buy kar saktay hain to paid version hi use karen to behtar hay kiyoon kay paid version main aap ko free antivirus kay muqaablay main zaiyada options miltay hain aur ak paid version free version say ziyada behtar tor par aap kay computer ko viruses say protect karta hay, otherwise free antivirus bhi theek hay.

Antivirus ka faaida ye hay kay aap ka computer har qisim kay viruses say mahfooz rahega, internet say koi bhi virus aap kay computer main enter naheen hosakay ga, jab aap internet say koi bhi file download karenge to aap kay computer main mojood antivirus us ko fori tor par scan karna start kardega, agar us fille main virus mojood hua to antivirus usay detect kardega,

Antivirus kay elaawa aap kay computer main ak adad antimalware software bhi hona chaahiey kiyoon kay malware aap kay computer kay liey viruses se bhi ziyada nuqsaan ka sabab bansaktay hain, yahaan tak kay agar aap kay computer main agar koi malware aajaaey to wo aap kay username aur passwords ko bhi chori karsakta hay.
Is kay elaa ak baat dhiyaan main rakhen kay aap apnay smart phone main jab bhi ko application download karen to wo trusted source  say hi download jaisay kay android users google play store se hi applications ko download karen aur iphone users apnay smart phone applications ko sirf app store say hi download karen agar aap in kay elaawa kisi aur website se koi application download karengay to us main virus bhi hosakta hay jis ki madad say aap kay mobile phone say aap kay online banking usernames aur passwords ko choraya bhi jaasaktay hay is lie aap koi bhi application google play store ya app store se hi download karen.


5. Free Wifi Istamaal Na Karen:

Public wifi, free wifi ya open wifi network ko to sab hi pasand kartay hain kiyoon kay is main unlimited data istamaal karnay ka moqa milta hay wo bhi free main, lekin kabhi bhi apni banking applications ko kabhi bhi free wifi se connect karkay use na karen chances hain kay free wifi par banking application ko use karnay say aap ka username aur password leak ho jaaen aur koi aur un use kar kay aap ki banking application tak raasaai haasil kar kay aap ko aap ki mahinat say kamaai hui raqam say mahroom karday.
Is liey main aap ko yehi mashwara doona kay aap apnay smart phone ko public wifi, free wifi ya open wifi network say connect kar kay banking applications ko kabhi bhi use na kiya karen.


6. Apany Phone Ko Lock Rakhen:

Jab aap apnay smart phone ko use na kar rahay hoon to aap ko chaahiey kay aap istamaal na kar rahay hoon to use password se ya pattern say lock rakha karen khaas tor tab jab aap apna phone kisi ko derahay hoon to pehlay is baat ki tassali karlen kay aap ka phone password ya pattern say locked hay, taakay ko bhi aap ki banking applications aur social media applications tak rasaai haasil na kar sakay.


7. Fraud Calls, Fraud SMS, Aur Fraud Emails Say Bachen:

Kai baar aap ko is tarah ki fraud calls, sms ya emails mosool hui hoongi kay ham bank ki taraf say baat kar rahay hain aur aap ka bank account protect karna chaahtay hain, wo faraudiey aap say aap say aap ki bank ki maaloomaat aur zaati maaloomaat jaisay kay cnic number, taareekh date of birth, walida muhtarma ka naam, atm number, atm pin ya password waghera leni ki koshish kartay hain,

aap kabhi bhi aisay dhokay baazoon kay chakar main na aaen, aur in ko apni zaati ya bank ki maaloomaat kabhi bhi faraaham na karen kiyoon kay bank aap say kabhi call, sms, emails kay zariey aapki confidential information naheen leta.
aap aisay fraudiyoon say khud bhi bachen aur apnay doston aur rishtaydaaroon ko bhi is kay baaray main aagaah karen.

is kay elaawa aap ko lottery ka laalach de kar bhi fraudiey aap se aap ki  zaati aur bank ki maaloomaat lene ki koshish kartay hain lihaaza aisay logon say hoshiyaar rahen.

8. Apna Password Web Browsers Main Save Na Karen:

Aap kabhi bhi apna social media accounts aur banking applications ka password apnay web browsers jaisay kay chrom, firefox, opera, safari, internet explorer aur microsoft edge waghera, chaahay aap in main say koi bhi web browser apnay computer main use kartay hain, jab aap login hotay hain to aap say save password ka poochha jaata hay aap usko NO ya NEVER kardiya karen kiyoon kay aap kay passwords in web browsers say bhi chori hosaktay hain.


In sabhi tips ko use kar kay aap apnay internet bank accounts ya online bank accounts ko kaafi had tak mahfooz banasaktay hain.

YEH BHI PARHEN:

what is internet banking and how to protect your online bank accounts in urdu what is internet banking and how to protect your online bank accounts in urdu Reviewed by PC Seekhen on 05:22 Rating: 5

1 comment:

Powered by Blogger.