how to solve overheating problem in android

Apney Smart Phone Ko Garam Hone Say Kaisay Bachaaen?

how-to-solve-overheating-problem-in-android-in-urdu

 

Aaj kal har haath main android smart phone hay har koi smart phone ka dil dada hay
Aap logon ne aksar note kiya hoga kay aap ka smart phone istamaal hone kay kuch der baad hi garam hojata hay chahay wo kisi bhi company ka bhi ho aur kitna mahinga kiyoon na ho.

Ye bhi parhen:

 Apnay Android Phone Ko Fast Kis Tarah Karen?


Dosto smart phone ka maamooli garam hona to samajh main aata hay lekin boht ziyada garam hona aap kay mobile kay liey masla paida karsakta hay. smart phone kay boht ziyada garam hone ko over heating kehtay hain aur smart phone kay garam hone ka masla taqreeban har smart phone user ko face karna parta hay.

Agar aap kay saath bhi smart phone kay garam hone ka masla pesh aata hay to ye article parhne kay baad aap apne smart phone ki over heating problems say kaafi had tak nijaat hasil kar saktay hain.

Yahaan par aapko kuch useful tips di jarahi hain jin ko apply kar kay aap apne smart phone kay heat hone kay maslay ko kaafi had tak kam kar paaenge.

Apnay smart phone kay over heat hone kay maslay ko kaisay theek karen?


how-to-solve-overheating-problem-in-android-in-urdu

STEP NO: 01

Sabsay pehlay jo kaam aap ne karna hay wo ye hay kay aap apne smart phone ko dhoop main ziyada der tak istamaal na karen, kaafi log apne smart phone ko dhoop main rakh kar bhool jaatay hain, un apne mobile phone kay baaray main tab yaad aata hay jab ya to unko urgent call karni hoti hay ya kisi aur ki call aanay ya sms aanay ki waja say ring bajay. 

Dosto aapka phone ziyada der dhoop main rehne ki waja say mobile over heat hone kay saath saath mukamal tor par kaam karna bhi band kar sakta hay khaas tor par aap kay mobile kay over heat hone kay chances garmiyoon kay mosam main ziyada hojatay hain, hum apna smart phone apne kamray main use kar rahay hotay hain tab bhi wo garam mahsoos hone lagta hay.

Agar aapkay ilaaqay main ziyada garmi hay to koshish karen kay apnay mobile ko ziyada darja haraarat kay time yaane dopahir ko use ziyada use na karen aur agar aapka smart phone garam hogaya hay to us ka istamaal usi time band karden jab tak mukammal tor par thanda na ho jaae.

Apne smart phone ko aisay kamre main rakhen jahan par pankha chal raha ho is kay ilaawa apne phon ko ziyada time apnay phone ko haath main ya pocket main na rakhen kiyoon kay mobile ko har waqt haath main rakhne say us ka darja haraarat barhne ka chance ziyada hojata hay.

Smart phone par zaroori call ya sms karnay kay baad us ko table par rakhdena behtar hay.

how-to-solve-overheating-problem-in-android-in-urdu

 STEP NO: 02

Apnay phone ko baghair kisi waqfay kay use karna bhi aap kay smart phone main over haeting problems paida karsakta hay.
wese bhi agar aap aam situation main bhi mobile ka boht ziayda istamaal kartay hain to wo bhi aap ki sehat par bhi manfi asar daalta hay.


STEP NO: 03

Aap kay mobile ki apps ka back ground main chalna bhi over heating ka sabab banta hay.
Agar aap koi bhi app apne smart phone main use kartay hain aur aap home par tab kar kay samajhtay hain hain kay aap ki application mukammal tor par close ho chuki hay to aisa naheen hay aap ki wo app background main chal rahi hoti hay aap kay phone ko garam karne kay saath saath aap ki ram aur battery ko karch kar rahi hoti hay jis say aap kay phone ki battery jald khatam hojati hay aur aap ka smart phone bhi slow hojata hay.
kisi bhi application ko use karne kay baad us application  kay option main EXIT par click kar kay use proper tareeqay se close karen tab hi wo application completely close hogi aur background main naheen chalegi jis se aap kay phone over heat naheen hoga aur uski performance bhi better hogi.

STEP NO: 04

Aksar log kaafi saari applications ko open kardete hain jisay multitasking kaha jata hay, android phone par multitasking karne say aap ka phone garam hojata hay agar aap apne phone ki over heating problem say bachna chahtay hain to aap ak application ko mukkamal tor par close karen kay baad doosri application ko open karen kiyoon kay smart phone main ak saath dher saari application ko chalaanay ki ability naheen hoti.
how-to-solve-overheating-problem-in-android-in-urdu


STEP NO: 05

Apnay smart phone charging kay doraan bilkul bhi istamaal na karen chahay aap ko kitna bhi important kaam kiyoon na ho kiyoon kay  ak to aap ka smart phone charging ki waja say garam ho raha hota hay doosra aap kay istamaal ki waja say aur ziayda garam hojata hay.
charging kay doraan mobile par call receive karna to bilkul bhi theek naheen, charging kay doraan call receive karne ki waja say akhbaaraat main kai haadsaat bhi report ho chukay hain charging par mobile phone use karne say aap kay mobile kay saath aap ki jaan ko bhi nuqsaan puhuch saktay hay is liey agar aapko mobile par important call wagera karni ho to mobile ko pehlay charging say unplug karen.

STEP N0: 06

Aap kay smart phone kay over heat ki ak waja aap mobile ki battery ka purana hona bhi hosakta hay kiyoon kay battery puraani hojanay par charging main masla karti hay jis say mobile over heat hojata hay.
agar aap kay smart phone ki battery kharaab hogai hay to aap uski jaga new battery buy karen aap ka mobile over heat hone say mahfooz rahega.

STEP N0: 07

Ooper di gai tips use karnay kay ilawa aap cooler master android application ka use kar kay bhi apne smart phone ko over heat honay say bacha saktay hain.

  COOLER MASTER APPLICATION:

 

how-to-solve-overheating-problem-in-android-in-urdu
 
Apnay smart phone ko thanda karne kay lie aap cooler master app ko google play store se download kar kay install karen
ye application aap kay smart phone ko thanda rakhna kay saath saath agar aap ka phone over heat hojata hay to aap ko warrning alert bhi deti hay us se aap ko ye faida hoga kay aap apne phone ko rest dekar thanda kar kay dobara istamaal kay qaabil banatay hain.

In tareeqoon ka istamaal kar kay aap apnay phone ko over heating say bachay kar ziyada time tak use kar saktay hain.

Dosto is tarah kay useful articles parhne kay liey hamari website ko social media, like facebook, twitter, whatsapp, instagram pintrest par share zaroor karen is say hamari hosla afzaai hogi.
shukria .

website address:

www.pcseekhen3.blogspot.com

 

Mazeed Detail jaan'nay kay liey ye video watch karen:

how to solve overheating problem in android how to solve overheating problem in android Reviewed by PC Seekhen on 00:14 Rating: 5

No comments:

Powered by Blogger.