10 tips to improve battery life on android phones

top-10-ways-to-save-battery-on-android

Apnay smart phone ki bettry bachaanay kay 10 tareeqay

 

Dosto kaafi logon ko apnay smart phone ki battery jaldi khatam hojani ki shaikayat hoti hay battery khatam hojanay jaanay ka masla tab ziyad pareshaani ka baais banta hay jab hum apni office ya ghar say door hon aur hamaray paas mobile charger bhi mojood na ho to hamen kaafi mushkilaat ka saamna karna parta hay.

Smart phone ki battery jaldi kiyoon khatam hojati hay aur isay kaisay save karen?

 Is article main hum aap ko bataengay kay aap apnay smart phone ki battery ki bachat kis tarah karsaktay hain taakay battery ki charging ziyad time tak barqaraar rahay hum aap ko ye bhi bataengay kay wo konsi wajohaat hain jis ki waja say aap kay smart phone ki battery jaldi khatam hojaati hay.

yahaan par hum aap ko chand mufeed tips dengay jin ko use kar kay aap apnay ki battery ko ziyada se ziyada der tak chala saktay hain.

1. Wifi, Bluetooth Aur Internet ko off karden:

Aksar hamaray phone main wifi bluetooth aur internet ON rahtay hain jab kay hum inko use bhi naheen kar rahay hotay lekin jaanay anjaanay main hum inko OFF karna bhool jaatay hain, agar aap in cheezoon ka ziyada use naheen kartay to aap inko istamaal karnay kay baad OFF kardiya karen is say aap kay phone ki battery bachay gi aur wo ziyada time tak chalegi jis say aap low battery kay problem say bach jaaengay.

2. Apnay Phone Ki Screen Par Saada Wallpaper Set karen:

Aksar log apnay phone ki screen ko achha look denay kay liey phone ki screen par HD wallpaper, 3D wallpaper aur animated wallpaper set kar detay hain in teeno qisim kay wallpapers aap kay mobile ki battery ka boht ziyada use kartay hain, khaas tor par animated wallpapers main kaafi cheezen harkat kar rahi hoti hain is waja se battery kaafi ziyada kharch horahi hoti hay.
aap ko apnay phone nimaaish main to leke jaana naheen hay to is liey behtar yehi hay kay koi saada sa wallpaper set karden, is say aap kay phone ki battery ki kaafi bachat hogi.
Agar aap kay phone main dark screen mode ka option hay to aap use ON karden is say bhi aap ko apnay phone ki battery bachanay main kaafi madad milegi.

3. Background Main Chalnay Waali Tamaam Applications Ko Close Karden:


Hum jab bhi ko application open kartay hain lekin us ko istamaal kay baad durust tareeqay se close naheen kartay jin kay background main chalnay ki waja say battery ka boht ziyada istamaal horaha hota hay, ye application phone ki battery jald khatam karnay kay saath saath mobile kay processor aur ram ko bhi slow kardeti hain jis ki waja say mobile main over heating problem paida hojati hay, aap android applications ko use karnay kay baad home button par click karnay kay bajaaey phone kay left side ya right side main show honay waalay EXIT button par click karden EXIT par click karnay say applications sahi tareeqay say close hojaati  hain.
Is kay ilaawa aap phone ki settings main jaa kar bhi background main chalnay waali tamaam applications ko aasaani say close kar saktay hain.


 4. Apnay Mobile Apps Ki Auto Update Off Karden:

Agar aap kay smart phone ki Applications main auto update ka option on honay par jab bhi aap apnay phone ko internet say connect karen gay to aap kay mobile main jitni bhi applications hain wo achaanak say update hona start hojaengi is say aap kay phone ki battery boht ziyada istamaal hogi aur aap ko pata bhi naheen chalayga.
Aap ko chahiey kay apnay mobile Applications ki setting main ja kar  auto update ko OFF karden.



5. Apnay Phone Ki Brightness Ko 30 Second Par set karen:

Jab bhi aapko sms ya call mosool hoti hay to wo call ya sms check karnay kay baad aap apnay phone ko chhor detay hain lekin us ki brightness  ON rehti hay jis ki waja say aapkay phone ki battery khatam hojati hay aisa musalsal honay say aap ko tab pata chalta hay jab aap ka phone low battery ka sign show kar raha hota hay.
is ki bari waja ye hay kay hamaray phone main brightness OFF honay ka time 10 mint par select hota hay ak call ya sms aanay kay baad brightness faaltu main 10 mint tak ON rehti hay.


Sabsay pehla kaam aap ye karen kay aap apnay phone ki auto brightness OFF karden aur brightness level kam karden jinti kam aap kar saken
yahaan par ye baat note karlen kay jo cheez aap kay phone ki battery ziyada istamaal kartay hay wo hay aap kay phone ki screen, aap apnay phone ki display setting main ja kar faaltu cheezen OFF karden.


6. Apnay Mobile Phone Applications Ki Notifications Ko OFF Karden:

Facebook twitter aur jitni bhi social media applications aap kay smart phone main install hain, agar jobhi aap kay photo  ya video ko like karta hay to us ka notification aap ko mosool hota hay kay is nay aap kay photo ko like kiya is ne aap kay video ko like kiya. baar baar notification aanay say aap kay phone ki display light on honay kay saath saath TICK TICK TICK ka sound bhi bajta hay is waja say bhi aap kay phone ki battery jaldi khatam hojati hay, aap apnay phone ki applications ki notifications aur sound OFF karden.


7. Apnay Phone Ki Vibrations Ko OFF karden:

Aksar logon kay phone main menu vibrations ON honay kay saath saath jab bhi wo koi cheez type karnay say phone vibrate karnay lagta hay. har lafz par phone vibrate honay say aap kay phone ki battery boht ziyada istamaal hone ki  waja say jaldi khatam hojaati hay.
Aap setting main ja kar apnay phone ki saari vibrations ko OFF karden Chahay wo touch vibration ho ya menu vibration is say aap kay phone ki battery ki kaarkardgi increase hogi aur battery jaldi low bhi naheen hogi.

8. Apnay Smart Phone Main Ziyada Apps Install na karen:

Kai baar aisa hota hay kay hum koi application install kar dete hain wo application kisi kaam ki bhi naheen hoti lekin hum use uninstall karna bhool jaatay hain wo application hamaray phone ki ram aur processor ko slow kardene kay saath saath hamari smart phone ki battery ka bhi istamaal kar rahi hoti hay.
Aesi tamaam application ko apnay smart phone uninstall karden jo ghair zaroori hain sirf wohi application apnay smart phone main rakhen jin ko aap istamaal kartay hoon is tareeqay say aap apnay phone ki battery ko kaafi had tak bacha saktay hain.


9. Apnay Smart Phone Kay Tamaam Unwanted Sounds OFF Karden:

Aap apnay smart phone main jab bhi koi cheez type kartay hoongay to aap ko type karnay kay saath saath ak awaaz sunaai deti hogi jaisay TUN TUN TUN, THAK THAK THAK wagera aisi koi bhi sound aap kay kisi kaam ki naheen ulta ye aap kay phone ki battery ko istamaal kar rahi hoti hain jis ki waja say aap kay smart phone ki battery jaldi khatam hojati hay.


10. Smart Phone Ko Charge Karnay Kay Liey Original Charger Istamaal Karen:

Aap ye baat note karlen kay naqli charger istamaal karnay say aap kay smart phone ki battery ki performance mutaasir honay kay saath wo mukammal tor par kharaab bhi hosakti hay aap hamesha original charger hi istamaal karen taakay aap kay
phone ko munasib electricity milsakay na kam na ziyada. naqli charger use karnay say aap kay smart phone ko bhi nuqsaan hosakta hay.

Umeed hay is article main di gai tips ko follow kar kay aap apnay smart phone ki battery ko kaafi dino tak chala saktay hain.

Dosto aap say guzaarish hay kay aap hamari website ko facebook groups whats app groups aur jitnay bhi social media account aap use kar rahe hain un par share karden taakay aainda bhi aap ko aisay useful article parhnay ko miltay rahen.

shukria.


Website Address:

www.pcseekhen3.blogspot.com

Apnay smart phone ki battery life improve karnay kay mutaliq video watch karen

 

10 tips to improve battery life on android phones 10 tips to improve battery life on android phones Reviewed by PC Seekhen on 03:50 Rating: 5

No comments:

Powered by Blogger.