interesting facts about facebook

interesting-facts-about-facebook

Kya Aap Facebook Ki Ye Dilchasp Baaten jaantay hain?


 Dosto jaisa kay aap jaantay hain kay ye smart phone ka dor hay har kisi kay pass kam say kam ak adad smart phone laazmi mojood hota hay jin kay pass abhi tak smart phone naheen hay wo bhi future main smart phone khareednay ka soch rahe hongay aur jin kay paas smart phone hay un sabhi kay pass facebook ka account hona bhi laazmi si baat hay.
Meray khayal main duniya main shayad hi koi aisa shakhs ho jisay facebook ka pata na ho, taqreeban bacha bacha facebook kay naam say waaqif hay.

YE BHI PARHEN:

Apni aankhoon ko mobile phone ki rooshni say kaisay mahfooz rakhen?


Facebook ki 15th birthday ki munasibat say jo 4th february ko hay, is article main hum aap ko facebook kay mutaliq intihaai dilchasp baaten bataanay jarahay hain jo shayad aapnay is say pehlay naheen suni hongi.

Facebook Kis Ki Ejaad Hay Aur Kab Wajood Main Aai?

 

Facebook America ki ejaad hay aur isay Mark Zuckerberg nay 4 february 2004 main harvard university main doraan taaleem launch kiya tha, facebook say pehlay mark zuckerberg nay facemash naami website banai thi facemash ak aisi website thi jis par harvard university kay students ak doosray ki images upload kar kay popularity rankings dekhtay thay.
ye website university main itni maqbool hui thi jis ki waja say harvard university kay server crash kar gaey thay jisay baad main facebook ka naam diya gaya.


2018 main kiey gaey survey kay mutabiq 2018 kay pehlay 3 maheenoon main facebook kay 2.27 billion monthly active users hain.
jis main say taqreeban 300 million users europe say taaluq rakhtay hain.

Facebook duniya ka teezi say taraqqi karnay waala social media network hay jis par daily 208300 photos upload ki jaati hain jin ki monthly taadaad taqreeban 6249000 hay.
is kay ilawa facebook ki rozana ki kamaai taqreeban  $1 million hay.


Agar facebook ko mulk tasavvur kiya jaey to ye aabaadi kay lihaaz say china, india, america aur indonesia kay baad duniya ka paanch waan bara mulk hoga.


Ye baat bhi boht kam logon ko maaloom hogi kay facebook ko 2004 se lekar ab tak kai baar information technology kay baadshah Google ne bhi kai baar khareednay ki koshish ki hay  lekin har baar usay facebook ko khareednay main naakaami ka saamna karna para hay.

is kay ilawa microsoft nay bhi 2007 main facebook ko khareednay ki koshish ki thi lekin usay bhi naakaami ka saamna karna para tha, lekin microsoft ne facebook main shares khareeday hoey hain, aur ye baat bhi mash'hoor hay kay microsoft ki sharaakat daari ki waja say facebook google say len den karnay liey us say direct contact naheen karta pahilay usay microsoft say ejaazat leni parti hay.


dosto ye baat bhi boht kam log jaantay hongay kay 2010 main time magazine ki jaanib say facebook kay baani mark zuckerberg ko information technology ka baa'asar shakhs qaraar diya jachuka hay.


facebook kay baaray main ak aur interesting fact ye hay kay aap apna web browser open kar kay us main fb.com/4 type kar kay enter press karen gay to aap saamnay mark zuckerberg ka facebook ka facebook profile open hojaega  kiyoon kay mark zuckerberg ka facbook profile  id 4 hay.


Aap main say kaafi logon shayad ye naheen hongay kay facebook ka pehla naam kiya rakha gaya tha?
dosto facebook kay pehla naam THE FACEBOOK rakha gaya tha.

ye baat bhi kaafi mash'hoor hay kay 2011 main america main  boht saari shadiyaan tooti theen aur kaha jata hay kay un shaadiyoon kay tootnay ki waja kaheen na kaheen facebook zaroor bana.
Facebook kay blue color kay baaray main ye baat bhi mash'hoor hay kay facebook ka blue color is liey select kiya gaya kay facebook kay baani mark zuckerberg ko laal aur hara color theek say se dikhaai naheen deta (is problem ko color blindness kehtay kaha jaata hay) wo blue color ko aasaani say pehchaan letay hain is waja say facebook ka color blue select kiya gaya.

 
  Mark zuckerberg ko facebook main milnay waali boht saari kaamyaabiyoon kay saath in ko kaafi problems ka saamna karna para hay lekin is nay zindagi main aanay waalay problems say ghabraaey baghair himat aur apnay kaam say lagan ki waja say kaamyaabi ki in unchaaiyoon tak puhunchay hain aur taahaal ye safar jaari hay.


Har insaan main kuch karnay ki boht salaahiyaten mojood hoti hain har koi kaamyaab insaan ban sakta hay aap ko bas apnay andar chhupi hui salaahiyatoon ko jaan'na hay aur positive soch kay saath an'thak mahinat aur lagan say kaam kartay huey apni zindagi ka safar jaari rakhna hay.


Hamari website  ko facebook groups aur whats app groups main apnay doston kay saath zaroor share karen is tarah hamari hosla afzaai hogi aur aap ki dilchaspi ko dekhtay hui ham aap liey is tarah kay aur bhi article shaya kartay rahengay.


website address:
www.pcseekhen3.blogspot.com
interesting facts about facebook interesting facts about facebook Reviewed by PC Seekhen on 00:39 Rating: 5

No comments:

Powered by Blogger.