How To Speedup Your Computer Or Laptop



Apne Computer ya Laptop ko fast kis tarah karen? 

 

Hum jab bhi baazaar se naya Laptop ya Desktop computer lete hain to kaafi dinoon tak wo fast chalta hay, on bhi jaldi hojata hay aur shutdown hone men bhi koi problem naheen karta aur jo bhi file ya software hum open karte hain wo bhi chand seconds men open hojati hain.
Lekin jese jese waqt guzarta jata hay hamari computer ki speed bhi slow hona start hojati hay, aur ak time aisa aata hay kay jab wo start hone men aur shutdown men bhi  kaafi time lene lagta hay, hang hona bhi start hojata hay, aur hum samjhte hain kay shayad hamare computer men kon technical fault  hogaya hay.


ya hamen khayal aata hay kay is ki windows corrupt hogai hay,  hamen new windows install karni chahiye aur kai log to doosre teesre din hi new window kar rahe hote hain, is problem ka solution baar baar new window karna naheen hay balkay aisa karne say hard disk ki performance mutasir hoti hay ya to wo kaam karna hi band kardeti hay.


 aksar ye sun'ne men aaya hay kay agar computer ki hard disk 500gb ya 1000gb hay aur is ki ram bhi ziyada hay aur processor core i5 hay to ye kabhi slow hi naheen hoga, aap kay computer kay resources jitne ziyada kiyoon na hoon par jab tak aap us ko junk aur temporary files se clean naheen karenge aapka computer slow hota jaeyga kiyoon junk aur temporary files boht ziyada disk  space leti hain.


Hum is article men aapko kuchh aisaySTEPS batane jarahe hain jin ko apply karne se aap kay computer ya laptop ki performance kaafi had tak increase hogi aur is men mojood junk files clean hojaengi jo aap k pc ko slow karne ka sabab banti hain.


  STEP.no.1.

Apne pc se junk aur temporary files delete karen.

 

subsay pahilay aap MyComputer ko open karen, phir Cdrive par right click kar kay Properties par click karen, ak new tab open hoga, us men se GENERAL par click kar kay Neechey Disk Cleanup par  click karen, aapkay computer ki junk aur temporary files ko scan karna start kardega aur aap kay saamne OK ka option aaega us ko us kar kay Delete Files par click karden aap kay computer men jitni bhi bekaar files hongi delete hojaengi.


  STEP.no.2.

Apne pc ki cdrive men space ziyada rakhen.

 

 Hamesha apne computer ki cdrive men space ziyada rakhen, koi bhi file ya software doosri drives (D,E,F ) men install kiya karen taakay Cdrive ziyada se ziyada space bache.
koshish karen kay Cdrive men 70% tak space mojood rahay.

 

STEP.no.3.

Disk kay errors check karen 

 

Apne computer ko fast karne karne ka ak tariqa ye bhi hay hay computer ki hard disk kay errors check karen, sabse pahile MyComputer par click karen, uskay baad Cdrive par right click kar kay properties par click karen, new tab open hoga us men se aap TOOLS par click kar kay  CHECK NOW par click karen, us k baad aap kay saamne ak aur Tab open hoga us me pahile waale option Automatically Fix File System Errors par click karden, uske baad Schedule Disk Check par click karden aap kay pc ka disk check schedule hojaey ga jab bhi aap computer restart karenge system aap k pc kay errors check karna start kardega.


  STEP.no.4.

 Desktop par hd wallpapers na rakhen

 

Anpe computer par Animation, 3d aur HD wallpaper rakhne kay bajaey windows ka koi bhi simple wallpaper rakhen is se aap kay laptop ki bettry ki bhi bachat hogi kiyoon kay laptop ki bettry Animation wallpapers hi use kardete hain, is se aap ka computer fast bhi chaleyga aur bettry ki bhi bachat hogi.


Aur jitna hosakay apne computer ka desktop Khaali rakhen, apne desktop par important files aur softwares  hi rakhen, jin files ko aap ziyada use naheen karte un ko kisi bhi drive like, (D,E,F ), men save kar sakte hain.






STEP.no.5.

speed boosting software download karen.

Apne pc ya laptop ko fast karne ka 5th method ye hay kay aap ak speed booster aur junk cleaner software install karlen, men jo software aap ko batane jaraha hoon  us ka naam hay clean master. is software ki madad se aap junk clean kar sakte hain, apne computer ya laptop ki speed bhi boost kar sakte hain, driver update kar sakte hain, is kay ilaawa aur bhi boht saarey features shaamil hain jin kay zariey aap apne pc ki performance behtar kar sakte hain.

download clean master software from here:






NOTE: Aap in tips ko kam se kam hafte men ak baar zaroor follow karen taake aap kay pc ki performance behtar rahe aur aap aasaani se use istamaal kar paaen.

How To Speedup Your Computer Or Laptop How To Speedup Your Computer Or Laptop Reviewed by PC Seekhen on 03:13 Rating: 5

No comments:

Powered by Blogger.